ადგილი დაკავებულია, მაგრამ არა ეტლით მოსარგებლეთათვის. რუსთაველის გამზირზე დღეს საქველმოქმედო ფონდის, „სიცოცხლის ხის“ ინიციატივით გაიმართა აქცია შეზღუდული შესაძლებლობების მქონე პირთა მხარდასაჭერად, იგი 3 დეკემბერს შშმ პირთა საერთაშორისო დღეს ეხებოდა.
რუსთაველის გამზირზე, მანქანის პარკირების ადგილას განთავსებულია ეტლები. ფონდის დირექტორის თორნიკე გურულის განცხადებით აღნიშნულს არაერთგვაროვანი რეაქცია მოჰყვა მძღოლების მხრიდან:
„მოდიან აგრესიული მძღოლები, რომლებიც ცდილობენ ეტლები გაწიონ და მანქანა დააყენონ, მაგრამ არიან ისეთებიც რომლებიც გაგებით ეკიდებიან სიტუაციას“
აქციის მიზანი შეზღუდული შესაძლებლობის მქონე პირთა თემატიკის მიმართ საზოგადოების ყურადღების მიპყრობაა.